Алматыда жол апатына кінәлі мас жүргізуші төбелес шығарды (Видео)

Алматыда жол апатына кінәлі мас жүргізуші төбелес шығарды. Қалалық полиция департаменті оқиғаның мән-жайын түсіндірді.

Жол апатына ұшыраған жүргізушілердің төбелесі әлеуметтік желіде тарады. Кадрлардан бірнеше ер адамның жол апатынан кейін сөзге келіп қалғанын көруге болады, ал куәгерлер оларды арашалап жүр. «Алматы-Арасан шатқалындағы жол апаты. «Mersedes» жүргізушісі мас күйде жол жиегінде тұрған екі көлікті қағып кетті. Футболкасын шешіп тастаған ер адам төбелес шығармақ болды», — делінген видео сипаттамасында. Алматы Полиция департаментінің мәліметінше, жол апаты 5 шілде күні шамамен кешкі сағат 17.00-де болған. «А. есімді жүргізуші жол қозғалысы ережелерін, 2.4.2-бөлімнің талаптарын бұза отырып, мас күйде «Mercedes» маркалы көлігін басқарып, Казачка көшесімен солтүстік бағытта келе жатып «Mercedes» автокөлігімен соқтығысты, одан әрі «BMW» маркалы көлігін қақты. Жол-көлік оқиғасы салдарынан екі автомобильге де зақым келді. Зардап шеккендер жоқ. Материалды Бостандық аудандық полиция басқармасының қызметкерлері өндіріске алды», — деді Алматы қаласы ПД анықтау басқармасының басшысы Олжас Шәріпов.

 

Посмотреть эту публикацию в Instagram

 

Публикация от @kris_p_kz +21 | 🇰🇿Kz (@kris_p_kz)

ҚазАқпарат