Алматыда таудан табылған әйелдің денесі кімдікі екені белгісіз

Төтенше жағдайлар комитеті Алматы тауларынан табылған әйел денесіне қатысты түсінік берді.

Мұның алдында қалалық төтенше жағдайлар департаменті мәйіттің Әсел Панарғалиева екенін растаған болатын.

«Әсел Панарғалиеваға қатысты айтарымыз, таудан бір әйелдің денесі табылды. Алайда ол Әсел ме, әлде басқа әйел ме — тап басып айта алмаймыз. Тек тұспалдап қана айта аламыз. Қазір тергеу жұмыстары жүріп жатыр», — деді ТЖК баспасөз қызметінен.

Әйелдің денесі Үлкен Алматы көлінің қасындағы Космостансадан табылған. Қазір полиция қыздың неден қайтыс болғанын анықтау үшін сот-медициналық сараптама тағайындады.

ҚазАқпарат