Алматыда терроризмге қарсы операция басталғаннан бері әртүрлі қылмыстардың 2402 қатысушысы ұсталды. Бұл туралы Stan.kz хабарлайды.
Қалалық комендатураның ақпаратына сәйкес, барлығы 79 атыс қаруы мен 3976 оқ-дәрі тәркіленді.
«Лаңкестікке қарсы операция басталғаннан бері заңсыз акциялардың, тонаудың және басқа да қылмыстардың 2 402 қатысушысы ұсталды. Өткен тәулікте «102» пультіне барлығы 586 хабарлама келіп түсті», — деп хабарлады комендатурада.
Комендатураның колл-орталығына жедел әрекет етуді талап еткен азаматтардан 93 сигнал келіп түсті. Барлығы дерлік қарастырылған.