Алматыда тапанша ұстап төбелескендерге қатысты полиция түсінік берді (видео)

07 қыркүйек 2021, 10:06

Алматы полициясы ер адамдардың тапанша ұстап төбелескен видеосына қатысты түсінік берді. Бұл туралы Tengrinews.kz хабарлайды.

Жанжалдың видеосы әлеуметтік желілерде пайда болған. Қатысушылардың бірі тапаншаға ұқсас зат ұстаған.

Полиция өкілдерінің сөзінше, Қылмыстық кодекстің 293-бабының 3-бөлігі бойынша соталды тергеу жүргізіліп жатыр.

«Таныс адамдар арасында қақтығыс болғаны анықталды. Олардың бірі газ тапаншасын қолданған. Абырой болғанда, ешкім зардап шеккен жоқ. Күдікті — 1989 жылы туған ер адам ұсталды. Сотталушының айтуынша, ол қылмыс құралын лақтырып жіберген, бұл факт тексеріледі. Тергеу жалғасып жатыр», — деді Алмалы аудандық полиция басқармасының бастығы Есен Ысқақов.