Алматыда тағы 2 адам коронавирустан жазылып шықты

#үйдеотыр

Алматы қалалық Қоғамдық денсаулық сақтау басқармасының басшысы Тілеухан Әбілдаев коронавирустық инфекцияға байланысты эпидемиологиялық ахуал туралы айтты.

Оның айтуынша, ауруханадан бүгін тағы 2 әйел аурудан жазылып шықты. «Бүгін инфекциялық стационардан коронавирустық инфекциядан жазылған тағы екі пациент шығарылды. Бұл екі әйелдің бірі — 15 наурызда Ыстанбұл-Алматы рейсімен, екіншісі 22 наурызда Египеттен ұшып келген», — деді басқарма басшысы Тілеухан Әбілдаев. Жалпы, осы уақытқа дейін 13 адам сауығып ауруханадан шықты. Олардың 2-еуі — бала.