Алматыда «Нексия» көлігі баланы қағып қашып кетті (ВИДЕО)

Алматыда Нексия жүргізушісі баланы қағып кетіп, оқиға орнынан қашып кетті. Жол көлік оқиғасы туралы видеотіркегіштегі бейнероликті Youtube Nureke Abeno есімді қолданушы салған.

Оның айтуынша, оқиға өткен жұма күні Әуезов пен Қабанбай көшелерінің қиылысында орын алған. Облыстық мемлекеттік нөмірі бар Нексия көлігі жаяу жүргін жолынан өтіп бара жатып, жүгіріп шыққан баланы қағып кетті.

Бейнероликте баланың орнынан тұра сала қаша жөнелгені түсіп қалған. Оқиға орнында сәл бөгелген жүргізуші сыртқа шықпастан әрі адамдардың айтқанын тыңдамастан тайып тұрды.

Қалалық ІІД болған жайтқа қатысты әлі түсініктеме бермеді.

https://www.youtube.com/watch?v=MCw0umS-J4c

ҚазАқпарат