Алматыда коронавирустан қайтыс болғандар зиратында жерленгендер неге көп?

26 мамыр 2020, 11:43

Алматы әкімінің бірінші орынбасары Ерлан Қожағапанов коронавирустан қайтыс болғандардың зиратында неге 32 адам жерленгенін түсіндірді.

«Бүгінде қалада коронавирустан Алматыда 10 адам қайтыс болған. Қалған 22 адам — коронавирус инфекциясы қосымша диагноз ретінде жазылғандар», — деді Ерлан Кожағапанов.

Мұның алдында бірқатар БАҚ зиратта 32 адам жерленгенін, тағы 12 орын дайындалғанын жазған болатын. Айта кетейік, бүгінге дейін Алматыда коронавирустың жалпы 2276 жағдайы расталды. Індеттен жазылды — 1276 науқас.

ҚазАқпарат