Коронавирус жұқтырып, кинотеатрға барған Алматы тұрғына тұрғыны айыппұл арқалады.
Бұл туралы қалалық эпидемиологиялық бақылау департаменті басшысының орынбасары Садуақас Байғабылов мәлімдеді.
COVID-19 ПТР-сынағы оң нәтиже көрсеткен Алматы қаласының тұрғыны “қызыл” дәрежесіне қарамай, кинотеатрға барған.
Келіншек кинотеатрға кіре алмаған. Өйткені кинотеатрдағы QR кодын сканерлеген кезде келіншектің «қызыл» дәрежедегі науқас екені анықталды.
«Тұрғынға өзін-өзі оқшаулау режимін бұзғаны үшін Түрксіб ауданындағы УСЭК санитарлық дәрігерлері ҚР Әкімшілік кодексінің 425-бабы бойынша әкімшілік іс қозғады. Бұл баптың санкциясы 30 АЕК көлемінде айыппұл салуды көздейді», — деді Садуақас Байғабылов портал тілшісіне.
Stan.kz