Алматыда келіншек екі қызды жезөкшелікпен айналысуға мәжбүрлеген

16 қараша 2020, 11:50

Алматыда 26 жастағы қызылордалық келіншек ұсталды. Ол екі қызды қорқытып және алдап, жезөкшелікпен айналысуға мәжбүрлеген.

Бұл туралы ішкі істер министрлігі онлайн-брифинг барысында мәлімдеді.

«Екі қыздың бірі кәмелеттік жасқа толмаған. Полицейлер бұл жағдайды әлеуметтік желілерде мониторинг жүргізу арқылы анықтаған. Келіншек желіде интимдік қызмет көрсететіні туралы жарнама орналастырған», — деп хабарлайды ішкі істер министрлігі.

Қазіргі таңда оқиғаға қатысты ҚР қылмыстық кодексінің 134 бабы «Кәмелетке толмаған адамды жезөкшелікке мәжбүрлегені үшін» іс қозғалды. Зардап шеккендерге қажетті көмек көрсетілуде.

stan.kz