Алматыда карантин талабын бұзған түнгі клуб әшкереленді (видео)

Алматыда карантин талаптарын бұзған түнгі клуб басшылығы жазаға тартылды.

Мониторинг тобы түнгі клубқа түнгі 01:40-та ескертусіз тексеру жүргізді. Олар келгенде клубта адам көп болған.

«Клуб басшылығы бұл әрекетіне дұрыс түсініктеме бере алмады. Жиналған материал әкімшілік өндіріс үшін тауарлар мен қызметтердің сапасы мен қауіпсіздігін бақылау департаментінің аудандық бөліміне жіберілді. Сонымен қатар, осы түні арнайы мониторинг тобы тағы біраз нысанды аралады. Негізінен, адам көп шоғырланған тамақтану орындары тексерілді», — дейді Жетісу аудандық полиция басқармасының басшысы Дархан Мұсанов.

Түнгі рейдке әкімдік, тауарлар мен қызметтердің сапасы мен қауіпсіздігін бақылау департаменті, Жетісу аудандық ПБ, «Атамекен» кәсіпкерлер палатасының мамандары шыққан.

https://youtu.be/nKkvthPnKsQ

ҚазАқпарат