Алматыда интернет ұстамайтын 218 соқыр аймақ табылды

Алматыда да бір жылда интернет пен байланыс болмаған 218 «соқыр» аймақ жабылды, деп хабарлайды zakon.kz Алматының Цифрландыру басқармасына сілтеме жасап.

Алғабас, Нұршашқан, Таусамалы, Әлмерек: Алматының бірқатар шағын аудандарында интернет сапасы жақсарады

Алматы қаласының төрт шағын ауданында интернет жылдамдығы 90 Мбит/сек жетеді. Бұл туралы өңірлік коммуникациялар қызметінің онлайн — брифингінде Алматы қаласының Цифрландыру басқармасының басшысы Баян Қоңырбаев айтты.

Естеріңізге сала кетейік, ақпан айында Алматыда Digital Almaty цифрлық форумы өтті, онда Қазақстанның премьер-министрі Асқар Мамин бес жыл ішінде барлық облыс орталықтары мен Республикалық маңызы бар қалалар 5G желісімен қамтылатынын айтты.

Айта кетейік, Алматыда интернет сапасын жақсарту жобасының арқасында өткен жылы интернет пен байланыс болмаған 218 соқыр аймақ жабылды.

Баян Қоңырбаевтың айтуынша, «Қазақтелеком» АҚ компаниясымен бірлесіп Алматы қаласының 4 шағын ауданында жылдамдығы 90 Мбит/сек болатын интернетке қосылу шешімі пысықталды:

1. Алғабас (Алатау ауданы);
2. Әлмерек (Түрксіб ауданы);
3. Нұршашқан (Түрксіб ауданы);
4. Таусамалы (Наурызбай ауданы).

2021 жылдың қыркүйек айының соңына дейін бірінші кезеңде, сондай-ақ екінші кезеңде 2022 жылдың 2 тоқсанына дейін тағы 4 жаңа шағын аудан қосылатын болады.

Баян Қоңырбаев интернеттің мегаполис халқы үшін бірінші қажеттіліктердің бірі екенін айтты. Осыған байланысты осы бағыттағы жұмыстар жалғасады.