Алматыда экстремизмге қатысы бар деген күдікпен үш адам ұсталды

Алматыда экстремизмге қатысы бар деген күдікпен үш адам ұсталды. Бұл туралы қаланың полиция департаментінің баспасөз қызметі хабарлады.

Қазіргі таңда полиция Қылмыстық кодекстің 405-бабы «Экстремистік ұйымның қызметіне қатысу» бойынша істі тергеп жатыр.
«Жиналған дәлелдер мен айғақтар негізінде 31 мамыр күні Алматы қаласы тергеу сотының шешімімен ұсталғандарға қатысты үйқамақта ұстау түрінде бұлтартпау шарасы таңдалды», -делінген хабарламада.

Белгілі болғандай, үш күдікті бұған дейін де әкімшілік жауапкершілікке тартылған.

Дереккөзі: sputniknews.kz