Алматыда «Creative Jastar» анықталды

   Ел Тәуелсіздігінің 30 жылдығына орай «Қазақстан жастары фракциясы» ҚҚ мен «Jas Otan» Жастар қанаты бірлесіп ұйымдастыруымен Алматы қаласы әкімдігінің жанындағы Қоғамдық даму басқармасының қолдауымен «CREATIVЕ JASTAR» жобасы қолға алынды. «Үздік инновациялық стартаптар» конкурсына қатысушылар жобаларының көрмесі «Alatau Creative Hub» коворкинг орталығында өтті. Сондай-ақ қонақтар мен қатысушылар үшін «Alatau Creative Hub» орталығы бойынша экскурсия өткізілді.

Іріктеудің бірнеше кезеңінен өткен үздік 25 қатысушы қазылар алқасы, экперттер және демеушілер алдында 12 номинация бойынша өз жобаларын қорғады. Іс-шара барысында жастардың инновациялық әлеуетін дамытуға, сондай-ақ еліміздің креативті экономикасын дамытуға бағытталған 500 жобаның ішінен 25 үздік жоба ұсынылды.

Стоматологиялық және медициналық тренажерлар өндірісі бойынша жобалар, қаладағы экологиялық жағдайға қарсы күрес бойынша жобалар, инновациялық ақылды үй жүйесі, бөлмедегі ауаны тазартуға арналған бризер өндірісі, алдағы іс-шаралар туралы ақпараттандыру үшін мобильді қосымша әзірлеу, ерекше адамдарға арналған орталық құру , елде туризмді дамыту бойынша жобалар ұсынылды.

Бұдан басқа, көрмеге әлеуетті инвесторлар мен демеушілер өздерінің стартап жобаларын одан әрі іске асыру мақсатында қатысты.