Алматыда билетсіз жолаушы пойыз вагонының шатырына шығып алған (Видео)

 

Посмотреть эту публикацию в Instagram

 

Публикация от Специально для Крис П Алматы (@kris.p.brothers)

Алматыда билетсіз ер адам діттеген жеріне пойыз вагонының шатырында жатып, жетіп алмақ болған, деп хабарлайды ҚазАқпарат.

Видео әлеуметтік желіде тарады. Онда орнынан қозғалып бара жатқан пойыз вагонының бірінің үстінде ер адам жатқанын көруге болады.

Көліктегі полиция департаментінің баспасөз қызметінен мәлім еткендей, оқиға 24 шілде күні сағат 22:45-те болған. «Алматы-1» станциясындағы кезекші бөлімшеге «Алматы-2» станциясынан «Алматы-Орал» пойызының машинисінен вагонның төбесіне мініп алған ер адамның кесірінен пойыз шұғыл тоқтатылғаны туралы хабарлама түсті.

«Пойыз тоқтағаннан кейін көлік полицейлері құқықбұзушыны акт бойынша вагонның төбесінен түсірді. Тексеру барысында оның Батыс Қазақстан облысының 47 жастағы тұрғыны екені анықталды. Жауап алу барысында ер адам билет алуға ақшасы жоғын айтып, пойыздың төбесінде үйіне жетуді ұйғарған», — деп хабарлады Көліктегі полиция департаментінің баспасөз қызметінен.

Аталған азаматқа қатысты ҚР ӘҚБтК-нің 560-бабы бойынша 5 АЕК көлемінде айыппұл салынды.