Алматыда Баум тоғайынан қару жасырылған орын табылды

Алматыдағы Баум тоғайынан қару жасырылған орын табылды, — деп хабарлайды Polisia.kz.

Жасырын жерде жаппай тәртіпсіздікке қатысқан бүлікшілер екі мылтық, револьвер, пышақ, Калашников автоматының патрондарын, Макаров тапаншасын, гранаталарды, оқ өтпейтін жилет пен полицияның жейдесін жасырғаны хабарланды.

«Біздің мекеменің жедел бөлімінің қызметкерлері Алматы қалалық ПД Криминалдық полиция басқармасының әріптестерімен бірлесіп жедел-іздестіру іс-шараларын жүргізіп, оның барысында Успенский көшесінен 200 метр қашықтықтағы Баум тоғайынан түрлі оқ-дәрілер сақталған орын табылды. Көше оңтүстікте, ағаштың жанында. Аталған дерек Түрксіб аудандық Полиция басқармасында тіркелді. Тергеу жүріп жатыр», — деді Алматы қаласы бойынша ҚАЖД ЛА-155/13 мекемесі басшысының орынбасары Шәкір Юнусов.

Қойманың ішінен табылған бөліктердің кімге тиесілі екенін қосымша тергеу анықтайды.