Алматыда банктен 55 млн теңге ұрлаған ер адам Швецияда ұсталды

11 қантар 2025, 10:33

Алматыда банктен 55 млн теңге ұрлаған ер адам Швецияда ұсталды, деп хабарлайды jasqazaq.kz.

Polisia.kz хабарлауынша, Қазақстан ІІМ Интерпол Ұлттық орталық бюросының сұрауымен Швецияда 38 жастағы ер адам тұтқындалды. Ол аса ірі көлемде ұрлық жасағаны үшін халықаралық іздеуде болған

2018 жылдың қазан айында күдікті Алматы қаласындағы банктің бірінен аударымдарда махинация жасай отырып, 55 миллион теңге ұрлаған.

Қазіргі уақытта күдікті шетелде қамауда.