
Алматыда ұйымдасқан қылмыстық топқа тиесілі 230-дан астам ойын терминалдары жойылды. Бұл туралы Қаржы мониторинг комитетіне сілтеме жасап Tengrinews.kz хабарлады.
Терминалды Алматы қаласы Қаржы мониторингі комитетінің Экономикалық тергеу департаментінің қызметкерлері сот орындаушыларымен бірлесіп жүзеге асырған.
«Іс-шара барысында ұйымдасқан қылмыстық топтың алты мүшесіне қатысты соттың қаулысымен 230-дан астам ойын терминалдары жойылды. Олар Алматы аумағында заңсыз ойын бизнесімен айналысқан», — делінген хабарламада.
«Олар 2 заңсыз ойын залын ашып, 60-тан аса ойын орындарында терминалдарды (дүкендерде, көлік жуу орындардында, компьютер клубтарында, базарларда) орнатқан.
Сондай-ақ, ойын терминалдарын жасап келген қоймалар анықталған болатын.
Іс бойынша ұйымдасқан қылмыстық топтың 6 мүшесі қылмыстық істер бойынша Арнайы мамандандырылған сотының үкімімен ҚР ҚК 307-бабының 3-бөлігі («Заңсыз ойын бизнесін ұйымдастыру»), 262-бабының 1,2-бөлігі («Ұйымдасқан қылмыстық топ құру және оны басқару»), 367-бабының 4-бөлігі («Қылмыстық топпен пара беру») деректері бойынша кінәлі деп танылып, 5 жылдан 10 жылға дейін бас бостандықтарынан айырылды», — делінген комитеттің хабарламасында.
https://youtu.be/GDgP1B4LEpg
Дереккөзі: tengrinews.kz