Алматыда 13 қарашада қалың қар жауады

Алматыда 13 қарашада қалың қар жауады, — деп хабарлайды Tengrinews.kz тілшісі «Қазгидромет» РМК орталығына сілтеме жасап.

Болжам бойынша, Алматыда алғашқы қысқы жауын-шашын ертең, 13 қарашада түседі.

«Фронтальды бөліктердің шиеленісуіне байланысты Алматы облысы мен Алматыда 13 қарашаға қараған түні қар жауады. Күндіз кей жерлерде жауын-шашын болады.

14 қарашада күндіз кей жерлерде жауын-шашын түсіп, қар жауады.

15 қарашада түнде кей жерлерде жауын-шашын, тұман және көктайғақ болады деп болжап отырмыз», — деді синоптик Дәулет Қисебаев.

Синоптиктің айтуынша, бұл биылғы Алматыда жауатын алғашқы қалың қар болмақ.