Бас прокуратура Алматы трагедиясы бойынша алғашқы мәліметті ұсынды, деп хабарлайды ҚазАқпарат.
Мемлекет басшысының тапсырмасы бойынша Бас прокуратура «Алматы қасіретінің» және басқа өңірлердегі террористік шабуылдардың барлық себептері мен егжей-тегжейін анықтау үшін жұмыс жасауда. Бүгінде жедел-тергеу топтары 494 қылмыстық істі, оның ішінде 44 – терроризм актісі бойынша, 34 – жаппай тәртіпсіздік, 15 — адам өлтіру және басқалары бойынша тергеп-тексеруде. Қылмыс жасады деген күдікпен 524 адам уақытша ұстау изоляторларына қамалды. Соттың санкциясымен 412 адам қамауға алынды. Қазіргі уақытта қажетті тергеу жүріп жатыр.