Алматы облысындағы апаттан жүргізуші көз жұмды (видео)

Алматы облысында автобусты пойыз соғып өтіп, оның салдарынан автобус жүргізушісі көз жұмды. Бұл туралы Алматы облысы әкімдігінің баспасөз қызметі хабарлады.

«Алдын ала мәліметтер бойынша, Шамалған станциясындағы жол-көлік оқиғасынан бір адам қаза болды және 9 адам зардап шекті. Оқиға орнында жедел жәрдем қызметі жұмыс істеп жатыр. Сонымен қатар, оқиға орнында Қарасай ауданының әкімі Жандарбек Далабаев бар. Алдағы ауруханалар күшейтілген тәртіпке өтті», — деп хабарлады облыс әкімдігіндегілер. Ал мұның алдында Индустрия және инфрақұрылымдық даму министрлігі оқиғаның мән-жайын айтқан еді. Төтенше жағдай «Екатеринбург-Алматы» тасжолының 2449-шақырымында Шамалған станциясында 15 қыркүйекте сағат шамамен 19.20-да болған. «Автобус жүргізушісі дыбыс белгісіне қарамай, теміржолға шығып кеткен. Салдарынан пойыз автобусты соққан», — деп хабарлады индустрия және инфрақұрылымдық даму министрінің кеңесшісі Руслан Иманқұлов. «Алматы облысы ТЖД Қарасай ауданы Шамалған станциясының теміржол жолында болған оқиғаға байланысты жедел штаб құрылды. Байланыс телефондары (87282) 220213, 220018. Сондай-ақ, Алматы қаласы ТЖД-де (8727) 2782083, 2782084 телефондары бойынша жедел байланыс ұйымдастырылды», — деп хабарлады ТЖК өкілдері.