Алматы облысында шетелдіктер ауыл тұрғынын өлтірді

Алматы облысында шетелдіктер ауыл тұрғынын өлтірді, деп хабарлайды Zakon.kz.

25 қазанда полицияға Қосөзен ауылындағы үйлердің бірінің жанынан мәйіт табылғаны туралы хабарлама келіп түсті.

Аталған факт ҚР ҚК 99-бабы 1-бөлігі бойынша СДТБТ-де тіркелді. Қаза тапқан Жапек батыр ауылының 45 жастағы тұрғыны болып шықты, – деп нақтылады облыстық ПД баспасөз қызметінен.
Төрт күннен кейін полицейлер жұмысқа келген Өзбекстан мен Тәжікстанның екі азаматын ұстады. Ұсталғандар кісі өлтіргенін мойындады. Күдіктілер УҰИ-ға қамалды.

Өзге ақпарат тергеу мүддесінде сәйкес, жария етуге жатпайды. Сотқа дейінгі тергеу жүріп жатыр, — деп қорытындылады ПД.