Алматы облысында бүтін бір отбасы көз жұмды

Қайғылы оқиғаға нақты не себеп болғаны әзірге белгісіз.

Алматы облысы Төтенше жағдайлар департаментінің мәліметінше, оқиға Талдықорғаннан 7 шақырым жердегі Еңбек ауылында болған. Қайтыс болған төрт адам бір отбасының мүшелері, – деп хабарлайды Экспресс К.

Марқұмдардың денесін жергілікті тұрғындар тауып алған.

«2 ақпан күні полициядан Еңбек ауылынан төрт адамның мәйіті табылғаны туралы хабар келіп түсті. Анықталғандай, көз жұмған 4 адамның екеуі бала. Алдын ала болжам бойынша, бұл кісілер 2-3 күн бұрын қайтыс болған», – деді Алматы облысы ТЖД-нің ресми өкілі Азамат Жұртбаев.

Марқұмдардың денесі сот-медициналық сараптамаға жіберілді.