Алматы облысында блок-бекеттер алынды

18 мамыр 2020, 10:59

Алматы облысының бас санитар дәрігері Қайрат Баймұхамбетовтің аймақ ішіндегі блокбекеттерді алып тастау туралы қаулысы шықты.

Бас санитардың қаулысында COVID-19 жағдайы нашар аудандардан басқа қалалар мен аудандар арасындағы блокбекеттер алынатыны жазылған.

Дегенмен блокбекеттер мемлекеттік шекарада, басқа облыстармен шекарада, Алматы және Талдықорған қаласының айналасында сақталады. Коронавирус тіркелген елді мекендер қоршауға алынады.

Сондай-ақ қаулыда карантинді біртіндеп жеңілдету жалғаса беретіні ескертілген. Карантин режимі мен мерзімі аймақтағы COVID-19 жағдайына байланысты болады.

Құжатпен толық мына жерден таныса аласыз.

Tengrinews.kz