Алматы облысында әкім отставкаға кетті

16 ақпан 2021, 13:40

Алматы облысы Еңбекшіқазақ ауданының әкімі қызметінен кетті. Ақпаратты әкімнің баспасөз қызметі растады.

Қуанышбек Қашқымбаев өз еркімен Алматы облысы Еңбекшіқазақ ауданы әкімі қызметінен кеткені хабарланды.

«Қуанышбек Қалиұлы 2021 жылы 12 ақпанда өткен кеңесте қызметтен өз еркімен кететінін мәлімдеді, сондай-ақ әріптестеріне бірлескен жұмысы үшін алғыс айтып, барлығына табыс тіледі», — деп хабарлады баспасөз қызметі өкілдері.

Қуанышбек Қалиұлы Қашқымбаев Еңбекшіқазақ ауданы әкімі қызметін 2020 жылдың 2 шілдесінен бастап атқарды.

«Қазір әкімнің міндетін оның орынбасарлары атқарады», — деп толықтырды ведомстводағылар.

Tengrinews.kz