Алматы маңында ұрланған қару сақталған орын табылды

Ол Алматы облысы, Қарасай ауданы аумағынан табылды. Ағымдағы жылдың 5 қаңтарына қараған түні «Камерад» қару-жарақ дүкенін тонауға қатысқан 1993, 1994, 1996 жылы туған үш ер адам ұсталды. Бұл туралы Алматы қаласының ПД хабарлады.

«Күдіктілер үй жанындағы бос жатқан жерге «жақсы уақытқа дейін» 3 мылтық, 3 тегіс ұңғылы мылтық, винтовка, патрондар, аңшылық жинағы бар шабадан мен рюкзактарды көмген. Бұл арсеналдың барлығы ұсталғандардың бірінің үйінің ауласындағы құмға көмілген. Күдіктілер кінәсін мойындап, қылмысты қалай жасағандарын айтып берді. Тергеушілер «топтың» осыған ұқсас басқа да қылмыстарға қатысы бар-жоғын анықтауда. Қылмыстық іс ҚР ҚК-нің 291 бабы 3 бөлімі бойынша тергелуде. Күдіктілер қамауға алынды», — деді, Алматы қалалық полиция Департаменті бастығының орынбасары, полиция полковнигі Берік Әбілбеков.