Алматы-Қапшағай тас жолы енді ақылы болады

Осы сенбіден бастап Алматы-Қапшағай, Алматы-Қорғас бағытындағы тас жолдармен жүру ақылы болады. Бұл туралы КТК телеарнасы хабарлады.

Жеңіл машиналар мен жүк көліктері үшін баға әркелкі. Мәселен, Алматыдан Қапшағайға жеңіл машинамен бару құны 200 теңге, ал, автобустар мен жүк көліктерінің пішіні мен салмағына қарай 200-ден 1000 мың теңгеге дейін алынады. Ал Алматыдан Қорғасқа қатынау әлдеқайда қымбатырақ. Жеңіл көліктерге 300 теңге, жүк көліктері үшін 1500-ден 7350 теңгеге дейін. Десе де, жолақысын жолға шықпай тұрып алдын-ала төлесе, тариф екі есе арзан болады. Ал, ақылы жолдардың бойындағы елді мекендерде тұрып, үнемі қалаға жұмысқа қатынайтындар бір жылдық абонементтік төлем сатып алса болады.