
Алматы әкімдігі ғимаратына 20 млрд теңгенің шығын келтірілді. Бұл туралы Алматы әкімінің орынбасары Ілияс Өсеров қаланың тыныс-тіршілігін қалпына келтіру жөніндегі қалалық штаб отырысында айтты.

Оның айтуынша, Алматыда жаппай тәртіпсіздік кезінде келген шығын есептеліп жатыр. Алдын ала есеп бойынша шығын көлемі — 112,6 млрд теңге. Оның 67 млрд теңгесі бизнес субектілеріне тиесілі. Алматыдағы бүліктен кейін 240 нысан зардап шекті. Басым бөлігі есік- терезесін ауыстыруды қажет етеді және жартылай өртенген нысандар бар. Оның 27-і — мемлекеттік мекеме ғимараты, 216-ы — шағын және орта бизнес нысаны. «Әкімшілік ғимараттарға 22,6 млрд теңге шығын келді.Алматы әкімдігі ғимаратына — 20 млрд таңге, прокуратура ғимаратына – 2 млрд, полиция департаменті мен бөлімшелеріне – 205 млн, экобекеттерге -163 млн, медицина нысандарына – 2 млн теңгенің шығыны келген»,- дейді ол.
Посмотреть эту публикацию в Instagram
ҚазАқпарат
Суретті түсірген Қуаныш Нұрданбек