
Қырғызстанның бұрынғы президенті Алмаcбек Атамбаевтың резиденциясына басып кіру сәті түсірілген видео пайда болды, деп хабарлайды 24.kg.
Посмотреть эту публикацию в Instagram
Видео кадрларынан Атамбаевтың шабуыл алдында өз үйінің ауласында болғаны көрінеді. Осы кезде әскерилер оқ ата бастайды. Осыған дейін резеңке оқпен жараланғандардың арасында заңсыздыққа қарсы халық штабының бастығы Қияс Смалиев пен Жогорку Кенештің экс-депутаты Мирбек Мискенбаев бар екені хабарланған. Сонымен қатар, портал тілшісі Аида Джумашова жарақат алған. Шу облысы бойынша шұғыл көмек көрсету орталығының өкілдері шақырту түспегенін хабарлады. Бірақ дәрігерлер бригадаларын бірінші талап бойынша жіберуге дайын. Куәгерлердің мәліметтері бойынша, арнайы құралдың қызметкерлері жараланғандарға өздері көмек көрсетеді.