Әлем халқының саны 8 миллиардқа жетті

15 қараша 2022, 16:35

2022 жылдың 15 қарашасында әлем халқының саны 8 миллиард адамға жетті. Бұған статистикалық сайттың онлайн есептегішінің мәліметтері дәлел, деп хабарлайды Zakon.kz.

Мысалы, worldometers.info сайтының мәліметінше, 15 қарашада Астана уақыты бойынша сағат 14:00-де жер бетіндегі халық саны 8 000 000 002-ден басталады.

15 тамызда Біріккен Ұлттар Ұйымы 15 қарашаға дейін 8 миллиардқа жетеді деп болжаған еді. Болжам дәл келді.

Әлем халқының саны 19 ғасырдың басында алғашқы миллиардқа жетті. 120 жылдан кейін ғана жердегілердің саны екі есе өсті.

Ғаламшарда өмір сүретін адамдар санының негізгі өсуі 20 ғасырда болды. Өлім-жітімнің төмендеуі және өмір сүру ұзақтығының артуы аясында халық саны 1,6 миллиардтан 6 миллиардқа дейін өсті.

7 миллиард халық саны 2011 жылы тіркелген еді.