Александр Кузнецовқа іздеу жарияланды

15 қазан 2018, 18:07

Бостандық аудандық сотында Александр Кузнецовқа іздеу жарияланды, — деп хабарлайды Tengrinews.kz.

Сот шешімі Бостандық аудандық ІІБ арызы бойынша қабылданды. 2015 жылы 6 наурызда Алматыдағы «Чукотка» барындағы төбелестің салдарынан Сырым Мұратқалиев қайтыс болған еді. 2016 жылы 28 қаңтарда Александр Кузнецов айыпты деп танылып, сегіз жылға сотталған. 2018 жылы 2 шілдеде ол бостандыққа шығып, қалған бес жылы үшін 1,1 миллион теңге көлемінде айыппұл салынды. 14 тамызда сот шешім шығарып, Кузнецов жазасын өтеу үшін оны колонияға қайтару керек делінді. 15 тамызда оның елден кеткені анықталды. 10 қазанда Александр Кузнецовтың Ыстанбұлға ұшып кеткені белгілі болды.