Алдағы күндері ауа райы қандай болады?

Синоптиктер 2019 жылдың 23-25 қаңтар аралығында ауа райы қандай болатынын айтты. Бұл туралы «Қазгидромет» РМК өкілдеріне сілтеме жасап Tengrinews.kz хабарлайды .

«Қазақстанда алдағы үш тәулікте ауа райында айтарлықтай өзгерістер күтілмейді, бұрыңғыдай республиканың басым бөлігі Ресей және Скандинавианың солтүстік аймақтары арқылы жылжитын атлантикалық циклондармен байланысты атмосфералық фронттардың ықпалында болады. Сондықтан көптеген облыстарда қар, бұрқасын, екпінді батыс желі, солтүстік облыстарда желдің күші секундына 30 метр жетуі мүмкін, сондай-ақ тұман және көктайғақ күтіледі», — делінген хабарламада.

Ауа температурасы орташа көпжылдық мәннен 5-8 градусқа, солтүстік облыстарында 8-13 градусқа жоғары сақталады.