Алаяқтар көбіне интернет-алаңдардағы жарнама арқылы алдайды

Ішкі істер министрлігінің ресми өкілі Нұрділдә Ораз қылмыстардың жалпы көрсеткішінде 10 пайыздан астамы алаяқтыққа тиесілі екенін айтты.

«Қылмыстардың жалпы ауқымында 10 пайыздан астамы алаяқтыққа тиесілі. Интернет технологиялардың дамуы арқылы азаматтарды алдау тәсілдері мен оқиғалары артып келеді. Өткен жылы ішкі істер органдары интернет алаяқтық туралы 14 мыңнан астам істі тіркеді. Оның ішінде 5,5 мыңы жарнама бойынша іс жүзінде болмаған тауар немесе қызмет үшін толық әрі ішінара төлем жасау фактісіне қатысты қозғалды. Бұл жарнамаларды алаяқтар сауда интернет алаңдарында және сайттарда орналастарған», — деді ресми өкіл онлайн режимдегі брифингіде. Оның айтуынша, 3 мың алаяқтық азаматтардың жеке мәліметтерін алуға байланысты болып отыр. Бұл қылмыстар онлайн несие рәсімдеу мақсатында жасалады. Сонымен қатар, 2 мыңнан астам алаяқтық азаматтардың жеке мәліметтерін әрі карта шоттары реквизиттерін иемдену жолымен мобильді банкинг арқылы ақша жымқыруға қатысты.

ҚазАқпарат