Алаяқ тұрғынның атынан үш тауарлық несие рәсімдеген

Қарағанды ​​облысында алаяқ тұрғынның атынан үш тауарлық несие рәсімдеген.

Polisia.kz берген мәліметке сай, өткен жылдың 10 желтоқсанында Қаражал қаласының полиция бөліміне 31 жастағы қала тұрғыны арызданған.

Арызданушы ер адам интернет арқылы белгісіз біреудің оның атына 1 млн 250 мың теңгеге тауарлық несие рәсімдегенін айтты.

ҚР Қылмыстық кодексінің 190-бабы (Алаяқтық) бойынша қылмыстық іс қозғалды. 16 ақпанда жедел-іздестіру іс-шараларының барысында криминалдық полиция қызметкерлері күдікті – облыстың ауылдық округтерінің бірінің 27 жастағы тұрғынын анықтап, ұстады.
Күдікті кінәсін мойындады. Полицейлер сотқа дейінгі тергеу барысында күдіктінің осыған ұқсас екі қылмысқа қатыстылығын анықтады.

Қазіргі уақытта тергеу амалдары жүргізілуде.