jasqazaq.kz

Әл-Фараби ауданында 30 көшеге асфальт төселеді

18 тамыз 2022, 10:28

Әл-Фараби ауданы аумағының басым бөлігі қала орталығында орналасқандықтан инфрақұрылыммен көрсеткіші 99,7% құрап отыр. Қазір халық санының өсуіне байланысты шағынаудандардың жаңақұрылыс аймағына ауыз су, электр қуаты, табиғи газ және жол құрылысы қарқын алған. Бұл туралы аудан әкімі Рашит Мыңбаев баспасөз брифингте айтты.

Жуырда Сәуле шағынауданындағы «Жаңабазар» көшесінде су жүйелері салынып, ел игілігіне берілді. Нәтижесінде 40-тан астам үй сапалы ауыз суға қол жеткізді. Қазір Текесу тұрғын алабына су тарту құрылысы атқарылып жатыр. Құрылысты «Жаңару» ЖШС жүргізуде. Мердігер мекеме жұмысты жыл соңына дейін аяқтап, қолданысқа беруді жоспарлап отыр.

Осы шағынаудандағы 276 орамға сапалы электр желісін жеткізу үшін «Ақсемсер стройсервис» мердігер мекемесі құрлыс жүргізуде. Қазір жалпы жұмыстың 95%-ы атқарылған. Желі тарту жұмысы қыркүйек айына дейін аяқталады. Нысан қолданысқа берілсе, шағынаудан толық сапалы электрмен қамтылады.

Ауданда Ақтас-2 мен 276 орам тұрғындары бүгінде қатты отынды пайдаланып отыр. Көгілдір отынмен қамту мақсатында Ақтас-2 шағынауданында газ құбырын тарту жұмысы жүргізілуде. Р.Мыңбаевтың сөзінше жұмыстар жыл соңына дейін аяқталып, шағынаудан 100% табиғи газбен қамтылатын болады. Ал, 276 орамға газ жеткізу мақсатында мемлекеттік сатып алу конкурсы өтіп жатыр.

– Кәріз жүйесімен қамту көрсеткіші 87% құрайды. Биыл Шолохов көшесінде кәріз жүйесінің құрылысы аяқталып, қолданысқа берілді. Хлопзавод көшесіне кәріз тарту үшін жуырда құрылыс басталды. Қазан айына дейін қолданысқа беріледі. Сондай-ақ, ауданда ұзындығы 299,1 шақырымды құрайтын 404 көше бар. Жолдардың 88% асфальт, 12% тас жол. Жыл соңына дейін 30 көшеге асфальт төселеді,-деді аудан әкімі.

Сонымен қатар, биыл «Халық қатысатын бюджет» жобасы аясында 28 балалар ойын алаңшасы орнатылды. Жыл соңына дейін жоба шеңберінде тағы 22 балалар ойын алаңшасы қойылады. Одан бөлек, 9 спорт алаңшасы салынып, 9 спорт алаң ағымдағы жөндеуден өтеді.

Тоқтар Жақаш

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр