
Әлеуметтік желіде домбыра тартқан жас жігіттің әкімдіктен қар тазалау үшін трактор сұраған сәті тарап, көпшіліктің көңілін көтерді.Бұл туралы NUR.KZ хабарлады.
Видео instagram-дағы eto_astana_detka тобында жарық көрді.
Кадрдан Фархад есімді ер азаматтың белден келетін қардың ортасында тұрып, әкімдіктен жолды тазарту үшін трактор сұрағанын тыңдауға болады.
Бұны көрген желі оқырмандары мәселені әзіл арқылы жеткізген «айтыскерге» түрлін пікір жазды.
«Кретивті жігіт», «Шындықты әдемі өлең шумақтарымен жеткізгенің үшін үлкен рақмет», «Тапқыр екенсің, Фархат», «Күлкіге қарық болдым», «Елдің сөзін сөйлейтін азаматтар аман болғай» деді олар.
Арасында техниканы уақытылы жеткізбегені үшін әкімдік қызметкерлері мен ақын жігіттің өзін де сынағандар да табылды.
«Техниканы алдын-ала дайындап қойса, қайтеді», «Трактор келгенше, домбыраны қоя тұр да, күректі қолға ал, бір пайдалы жұмыс атқар енді», «Бәлкім, домбырмен емес, күрекпен жұмы істеген дұрыс шығар» деп жазды желі оқырмандары.
https://www.instagram.com/p/B7fYGkoJZnL/?utm_source=ig_web_copy_link