Әкім орынбасарына не себепті оқ атылғаны белгілі болды

Шенеунікті атып сотталды. Түркістан облысында Төле би ауданы әкімінің орынбасары Рабиға Бейсебаеваны атқандар мен тапсырыс беруші сотталды. Тапсырыс беруші Әлихан Амалбаев бір жылға, қылмысты ұйымдастырушы мен оның екі көмекшісі бір жарым жылға бостандығы шектелді. Бұл туралы КТК телеарнасы хабарлады.

Яғни, төртеуі де жазасын түрмеде емес, бостандықта жүріп-ақ өтейтін болды. Ал, қылмысқа Рабиға Бейсебаеваның қарызын қайтармауы себеп болған екен. Ұйымдастырушы Әлихан Амалбаевтың анасынан 12 мың доллар алған әкім орынбасары, бірнеше жылдан бері қомақты қаржыны бермей келген. Кек сақтаған азамат тараздық жігіттермен келісіп, шенеунікті қорқытпақшы болады. Сөйтіп, былтыр қазан айында Рабиға Бейсебаеваны үйінің есігінің алдында басынан таспен ұрып, бірнеше мәрте травматикалық қарумен атқан. Көп ұзамай қылмыскерлер ұсталған-ды. Рабиға Бейсебаева бүгінгі үкімге де келген жоқ.