Әкім: Қазақ тілінде сөйлемейтін балаларға айыппұл салынады

Павлодар облысы Шарбақты ауданының жаңа әкімі Әзілхан Әбеуов қарғайлы орманда орналасқан балаларды сауықтыру орталығының дамуы жайлы пікірімен бөлісті. Бұл туралы arhar.kz хабарлады.

Лагердің келеcі маусымы ұлттық салт-дәстүрлі «Kazakh cump» стилінде ұйымдастырылмақ. Сол себепті де балалардың тек ана тілімізде сөйлеуге міндетті. Аудан басшысының мәлімдеуінше, бұл шешім Елбасымыздың «Ұлы Даланың жеті қыры» мақаласынан кейін қабылданды. «Климаты ең таза сауықтыру орталығына демалуға келген оқушылардың барлығын қазақ тілді қызықты демалыс күтіп тұр. Ал өзге тілде ойын жеткізетін балаларға айыппұл салынады»,- деп Әзілхан Әбеуов кесіп айтты. Қатысып, белсенділік танытқаны үшін бүлдіршіндерге «Қазақ тілі білгірі» деген төс белгісі сыйға тартылады.