Әкім 800 мың теңге пара алды деген күдікпен ұсталды

10 қараша 2018, 13:06

Ұлттық қауіпсіздік комитеті Шығыс Қазақстан облысы Жарма ауданының әкімі Нұрлан Сыдықовты ұстады деп хабарлайды ҰҚК баспасөз қызметі.

«9 қарашада Шығыс Қазақстан облысындағы ҰҚК департаменті ШҚО Жарма ауданы әкімін «Л» есімді азаматтан 800 мың теңге пара алды деген күдікпен ұстады. Ол осы ақша үшін кәсіпкерге жер телімін ұзақмерзімді жалға алу құжаттарын қайта рәсімдеу мәселесін шешіп беремін деп уәде берген», – дейді Комитет өкілдері.

Осы дерекке қатысты ҚР Қылмыстық кодексінің 366-бабы 3-бөлігі бойынша сотқа дейінгі тергеу шаралары жүргізіліп жатыр. Нұрлан Сыдықов уақытша қамау изоляторына жабылды.

Дереккөз: Tengrinews.kz