jasqazaq.kz

«Ақылды жәшік»

13 ақпан 2021, 12:00

Назарбаев зияткерлік мектебінің 8-сынып оқушысы Арман Нұрышев тұрмыстық қалдықтарды тастауға арналған «ақылды жәшік» ойлап тапты. Адам қоқыс жәшігіне жақындаған кезде, қақпағы өздігінен ашылады. Қоқыс тола бастағанда, коммуналдық компанияға белгі беріледі.

Назарбаев зияткерлік мектебінің баспасөз қызметі хабарлағандай, петропавлдық оқушының «ақылды жәшік» жасауына көшедегі қоқыс жәшігінің маңайында шашылып жататын тұрмыстық қалдықтар себеп болыпты.

Жас өнертапқыш: «Айналасы қоқысқа толып, шашылып жатқан қалдықтарды көргенде, қоқыс жәшігіне қақпақ қойса, дұрыс болар еді деген ой келді. Біз жасаған жәшік адам жақындағанда ультрадыбыстық сенсор көмегімен ашылады. Ол арнайы қуат көзіне жалғанады. Жәшік неғұрлым үлкен болса, қуат көзін соғұрлым көбірек қажет етеді. Қоқыс салынғаннан кейін қақпақ өздігінен жабылады. Ештеңені ұстаудың, ашып-жабудың қажеті жоқ. Өте ыңғайлы. Идеяны жүзеге асыру үшін бірнеше апта бойы сызба жасадық. Аккумулятор, ультрадыбыстық құрылғыларды орнату қажет болды. Содан бүкіл бөлшектерді жинап, мақсатымызға қол жеткіздік», – дейді.
Жоба авторларының айтуынша, ақылды жәшікті жасау үшін пластик пайдалану көзделген. Оларды мектепте, кеңседе және көшеде орнатуға болады. Жоба жетекшісі Виталий Мельников: «Жәшіктің толғанын қадағалайтын жүйе орнатамыз. Ол үшін арнайы модуль жасалады. Барлығын мобильдік қосымша арқылы бақылауға болады. Бұл коммуналдық мекеме қызметкер­лерінің уақыты мен күшін үнемдейді. Өйткені олар қоқысты арнайы белгі берілген сәтте ғана әкете алады. «Ақылды жәшік» бағдарламасын Арман өзі ойлап тапты», – дейді.
Жоба авторлары «ақылды жәшікті» шынайы өмірде қолданысқа енгізуді армандайды. Олар мұнымен тоқтамай, жобаны әрі қарай дамытуды көздеп отыр.

Мақпал Ноғайбаева

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия