jasqazaq.kz

Ақтөбеде Сирия азаматтары ұсталды

12 қыркүйек 2019, 18:57

Сирия азаматтары Ақтөбенің Байғанин ауданынан ұсталды. Олар Қазақстанға ителгі аулауға келген. 

Ақтөбе облысында үш автокөлік ішінен елу дана көгершін табылды. Оқиға 30 тамыз күні сағат 23:00-де тіркелді. Байғанин ауданының Жаңажол ауылдық округі, Доңызтау маңында «Охотзоопром» РМКК инспекторлары «Монтера спорт», «Митсубиси Поджера» және «Тайота Ланд Крузер» көлігінің жолаушылары мен жүргізушісін аудандық ішкі істер бөліміне жеткізді. «Тексеру жұмыстары кезінде біреуі қазақстандық екені анықталды. Ал өзге бесеуі — Сирия азаматтары. Ұсталғандардың айтуынша, олар бірнеше күн бұрын Алматы қаласына келіп, Ақтөбеге бағыт алған. Көгершіндерді Арал маңындағы ауыл тұрғындарынан алған, оны азық үшін пайдаланған. Қазақстанға ителгі мекендейтін жерді іздеуге келген», — деп хабарлады облыстық полиция департаменті баспасөз қызметінің жетекшісі Ерболат Сарқұлов. Осы іс бойынша Әкімшілік құқық бұзу кодексі бойынша шара қолданылды. Қазақстан және Сирия азаматының әрқайсысына 25 мың теңге айыппұл салынды. Екі Сирия азаматы Көші-қон заңнамасын бұзғаны үшін жазаланды. Біреуі ескерту алса, екіншісі 15 тәулікке қамалды. Ал көгершіндер бостандыққа жіберілді. Айта кетейік, ителгі Қызыл кітапқа енген. Оны аулауға болмайды.

Дереккөзі: ҚазАқпарат

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда