jasqazaq.kz

Ақтөбеде нәпақасынан айрылған судагерлер шу шығарды

25 мамыр 2020, 21:52

Ақтөбеде орталық базар саудагерлері наразылыққа шықты. «Вирустан емес, аштан өлеміз» деп айқайлаған олар биліктен өздерінің сауда орындарын ашуды талап етіп отыр. Ал халықты сабырға шақыруға келген қаланың бас санитар дәрігері бетперде киюді ұмытып, сол жерде күлкіге қалды. Саудагерлер Ақтөбенің әкімін де жұмысына іздеп барғанымен, Асхат Шаһаров кездесуге шықпай қойды. Базардағылардың базынасы. Бұл туралы КТК телеарнасы хабарлады.

Қаланың қақ ортасындағы орталық базардың қақпасына құлып салынғанына екі айдай болды. Сол уақыттан бері мұндағы мыңдаған саудагер жұмыссыз отыр. Олар бүгін наразылық білдіріп, билікке талаптарын қойды. Карантин жариянғалы бері нәпақасынан айрылған судагерлердің шыдамы таусылған. Ашуға мінген олар дереу базар ашылсын деп отыр. Қазір базар жабық болғанымен, ебін тапқан кейбір саудагерлер көше кезіп, тығылып жүріп затын сатады. «Бүйткен күніміз құрсын», — дейді олар.

Шолпан Есенова, саудагер:

— Қазір базардың айналасында тұрып сауда жасап жатыр. Сонда қандай айырмашылық бар? Ішке кірген адам коронавирус жұқтырады да, ішке кірмегендер жұқтырмай ма? Мен соны түсінбеймін. Осылай отыра берсек, коронавирустен емес, біз аштықтан өлеміз. Балаларымыз аштан өледі.

Елді сабырға шақыру келген Ақтөбенің бас санитар дәрігерінің өзі базардың қашан ашылатынын білмейді. Оның жауабына көңілі толмаған әйелдер айқайдың астына алды.

Аманжан Өтеғалиев, Ақтөбе қалалық тауарлар мен көрсетілетін қызметтердің сапасын бақылау басқармасының басшысы:

— Аурудың көбеюіне байланысты қазір қаулы осылай қабылданды, мен қай уақытта ашылатынын айта алмаймын.

Ең қызығы, вирустан сақтануға шақыра келген қаланың бас санитар дәрігері ел алдында күлкіге қалды. Қалтасына салған бетпердесін көпшілік жерде киюді ұмытып кетіпті.

Сасқалақтаған санитардан қайыр болмаған соң, саудагерлер наразылығын әкімдік алдында жалғастырды. Вирус жұқтырудан қорықты ма, әлде әйелдердің арынынан сескенді ме, қала әкімі Асхат Шаһаров жайлы кабинетінен шықпай қойды.

Ақыры саудагерлердің талабымен облыстың бас санитар дәрігері енді бірер күнде жаңа қаулы қабылдайтын болды. Қазір базарға адамды санап кіргізуді қарастырып жатыр. Бірақ оны нақты қай күні жариялайтынын тағы да айтпады.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия