Ақтөбеде газ жарылды: зардап шеккендер бар

Жарылыстан 82 және 25 жастағы екі ер адамның денесі күйіп қалған.

Ақтөбе қаласындағы гараждардың бірінде газ жарылып, екі тұрғын ауруханаға түсті, деп хабарлайды төтенше жағдайлар комитетінің баспасөз қызметі. Қайғылы оқиға 9 маусым күні сағат 12:42-де Тілеу батыр көшесіндегі жеке үйдің аумағында болған. Газ жарылған соң, қызыл жалын 10 шаршы метрге шарпыған. «Өрт салдарынан 1937 және 1994 жылдары туған екі ер адамның денесі күйіп қалды. Олар ауруханаға жеткізілді», — делінген ТЖК таратқан хабарламада. Өрт сағат 12:58-де сөндірілді. Қызыл жалынды ауыздықтауға 18 өрт сөндіруші мен 5 бірлік арнайы техника жұмылдырылды.

Дереккөз: sputniknews.kz