Ақтөбеде аурухана ауласына тастап кеткен ер адам көз жұмды

Ақтөбеде соққыға жығылған ер адамды аурухана ауласына тастап кеткен. Ол есін жимастан көз жұмды.Бұл туралы ҚазАқпарат хабарлады.

Ақтөбе қаласындағы жедел жәрдем ауруханасының көлік тұрағынан бірнеше жерінен соққы алған ер адам табылған. 15 қаңтар күні 40 жастағы ақтөбелік ес жимастан қаза болды.

«Қылмыстық кодекстің «Адам өлтіру» фактісі бойынша іс қозғалып, тергеу басталды. 18 қаңтарда полиция қызметкерлерінің жедел-іздестіру шарасы кезінде аса ауыр қылмыс ашылды. Үш күдікті ұсталды. Бәрі уақытша ұстау изоляторына қамалды. Тергеу амалдары жүргізілуде», — деп хабарлады облыстық Полиция департаментінің баспасөз қызметінің жетекшісі Ерболат Сарқұлов.