Ақтөбеде 28 жастағы ер адам әйелді өлтірді деген күдікпен қамауға алынды

Бүгін, 9:56

Ақтөбе қаласында әйелді өлтірді деген күдікпен полиция қызметкерлері Атырау қаласының 28 жастағы тұрғынын анықтап, уақытша ұстау изоляторына қамады. Аталған факті бойынша қылмыстық іс қозғалды, деп хабарлайды jasqazaq.kz Ақтөбе облыстық Полиция департаментініе сілтеме жасап.

Алдын ала мәліметтер бойынша, күдікті мен марқұм әйел бұрын таныс болған. Араларында туындаған жанжал барысында ер адам әйелге пышақ жарақатын салған. Алған жарақаттарынан әйел оқиға орнында көз жұмды.

Қазіргі уақытта оқиғаның барлық мән-жайын анықтауға бағытталған қажетті тергеу әрекеттері жүргізілуде. Қылмыстың себептері анықталуда.
Тергеу барысы облыстық Полиция департаменті басшылығының бақылауында.

Қазақстан Республикасы Қылмыстық-процестік кодексінің 201-бабына сәйкес, өзге ақпарат жария етілмейді.