
Ақтаулық екі бойжеткен көлікті өртеп жібермекші болған, бірақ ақырында темір тұлпардың дөңгелігін ғана тесіп кетіпті. Қыздардың бұл оқсы қылығы бейнебақылау камерасына түсіп қалыпты. Көлік иесінің айтуынша, оның қыздарға қарсы арыз жазу ойында жоқ екен, оларды тек бүкіл әлеуметтік желі қолданушыларына масқара етпек.
Оқиға 25 нен 26 қарашаға ауған түні орын алыпты. Бейнежазбада қыздардың көлікті әлдебір алкоголь сұйықтығының көмегімен өртеп жібермекші болғандығы байқалады. Алайда олардың бұл ойлары іске аспай, артынша көліктің дөңгелектерін тесіп кетуді жөн көріпті.
«Көліктің дөңгелектеріне зақым келген, алдыңғы бамперлер сырылған. Мен қыздарға қарсы арызданбаймын. Олардың бұл қылығын интернетке жариялайтын боламын. Бойжеткендерге не жазғанымды кім білсін. Дегенмен олардың маған деген өкпесі зор көрінеді», — деді көліктің иесі.
https://youtu.be/aCuGxgSthdc
Stan.kz