Ақтауда бір топ адамды полиция ұстады (видео)

Ақтауда бір топ адамның ұсталған сәтін куәгерлер видеоға түсіріп алған.

Куәгерлердің айтуынша, оқиға 12 мамырда 5 шағын ауданда шамамен сағат 20.30-да болған. Ақтау тұрғындары полиция көліктерінің бір жерге жиналып қалғанын камераға түсірген.

Роликтен тәртіп сақшылары ер адамдарды үйден шығарып, полицияның «ГАЗеліне» отырғызып жатқанын көруге болады. Куәгерлердің сөзінше, 15-ке жуық адам тұтқындалған.

Оқиғаның мән-жайы анықталып жатыр.

Маңғыстау облысы Полиция департаменті баспасөз қызметінің хабарына қарағанда, 12 мамырда Ақтау полиция басқармасының «102» нөміріне қоңырау түскен және 5 шағын аудандағы 4 үйде бір топ жас (10 адамнан көп) жиналғаны айтылған. Сол қоңырау бойынша Ақтау қаласы ПД патрульдік полиция батальоны шыққан.

«Оқиға орнында ұсталғандар Ақтау полиция басқармасына мәселенің мән-жайын анықтау үшін жеткізілді. Тұрғындарға үш адамнан көп болып, топтасып жиналуға тыйым салынатынын ескертеміз», — деп атап өтті ведомствоның баспасөз қызметіндегілер.

lada.kz