jasqazaq.kz

Ақтауда автоорталықтан сатып алынған көлік ұрланған болып шықты

18 маусым 2021, 21:31

Ақтауда автоорталықтан сатып алынған көлік ұрланған болып шықты. Иесі 5 миллион 300 мың теңгеге сатып алынған «Хюндайдың» іздеуде жүргенін сататын кезде бірақ білген. Алайда аты дардай автоорталық Ресейден ұрланған көліктің құжатында ешқандай шикілік болмаған еді дейді. Бұл туралы КТК телеарнасы хабарлады.

Соған қарамастан жәбірленуші құзырлы орындарға шағымданған. Алайда істі тексерген тәртіп сақшылары «қылмыс құрамы жоқ» деп жылы жаба салыпты. Есесіне Интерпол желісімен іздеу салынған көлікті сатуға да, мініп жүруге де тыйым салған.

Светлана Махамбетова осыдан бір жыл бұрын автоорталықтан «Хюндай» сатып алған. Бастапқы он пайызын құйып, қалған сомасын банктен несиеге рәсімдепті. Осылайша туған күніне сый жасаған. Бірақ сыйлықтың соңы қитұрқымен бітерін білмедім, дейді.

Бір жылдан кейін көлігін сатылымға шығарып, алушымен келісімшарт жасамақ болғанда тұлпарының құжаты дұрыс емес болып шыққан. Көлік Санкт-Петербургте ұрланып, 2018 жылдан бері Интерполда іздеуде екен. Мұны білген ол машинасын сатып алған автоорталыққа барады. Алайда олар «кінә бізден емес» деп шығарып салыпты.

Светлана Махамбетова, Ақтау қаласының тұрғыны:

— Заңгермен барып, барлық дәлелдерін көрсетті. Машина маған соғылмаған деп сатылып еді, соғылған екен. Жүріп өткен жолын кері айналдырған. Соның бәрін біз дәлелдеп, «Тойота» орталығына бардық. Біз сатқан кезде, алған кезде бәрі дұрыс болып тұрды деп, «өзіңіз кез келген шара қолдана беріңіз, заңға жүгініңіз» деп шығарып салды.

Көлік Светлана Махамбетоваға дейін үш адамның қолынан. «Ең қызығы, олар мінгенде мұндай мәселе туындамаған», — дейді жәбірленуші. Автоорталық өкілдері де бұл көлікті сатып аларда да, сатқанда да еш кедергі туындамағанын айтады. Светлана прокуратура мен полиция департаментіне шағымданған. Бірақ олар көліктің VIN коды ұрланған машинамен сәйкес келетінін айтудан ары аспапты.

Әйгерім Ибатуллаева, Маңғыстау облысы ПД баспасөз қызметінің жетекшісі:

— Сотқа дейінгі тергеудің бірыңғай тізіліміне тіркеліп қылмыстық іс қозғалды. Барлық қажет тергеу жүргізілді. Нәтижесінде қылмыс құрамының болмауына байланысты қылмыстық істі тоқтату туралы іс жүргізу шешімі қабылданды.

Светлана Махамбетова енді көлік сататын компанияны сотқа бермекші. Себебі: несиеге рәсімделген көлігін сатуға да, мініп жүруге де тыйым салынған.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия