«Ақтау-Бейнеу» жолында қаза болғандар Өзбекстан азаматтары

«Ақтау-Бейнеу» автожолында қаза болған 7 адамның алтауы Өзбекстан азаматтары болып шықты.

Nur.kz хабарлағанадй,бұған дейін хабарлағанымыздай, 1 наурыз күні «Ақтау-Бейнеу» автожолында «Shacman» маркалы жүк көлігі мен «LADA Largus» соқтығысып, cалдарынан жеңіл көлікте болған 6 жолаушы мен оның жүргізушісі оқиға орнында қаза болған еді.

Өзбекстан Төтенше жағдайлар министрлігінің ресми сайтында хабарланғандай, мерт болғандардың алтауы сол елдің азаматтары болып табылады.

«Өзбекстан Республикасының Қазақстандағы Елшілігінен түскен ақпаратқа сәйкес, 1 наурыз күні сағат 06.00-де Маңғыстау облысы Маңғыстау ауданының Шетпе ауылында, «Ақтау-Бейнеу» күре жолында Ақтау қаласы — Бейнеу ауданы бағыты бойынша бет алған мемлекеттік нөмірі 90 S 830 JA «LADA Largus» пен мемлекеттік нөмірі 737 DPA/12 «Shacman» жүк көлігі соқтығысты. Жол апаты салдарынан өрт болып, алдын ала мәлімет бойынша 7 адам қаза болды. Олардың алтауы Өзбекстан Республикасының азаматтары болып табылады. Аталмыш факті бойынша тергеу шаралары жүргізілуде», — делінген Елшілік ақпаратында.