АҚШ Сирияда әскерінің бір бөлігін қалдыруы мүмкін

06 қантар 2019, 12:29

АҚШ билігі Сириядан әскерін шығаратыны туралы шешім қабылдағанмен, бұл елде сарбаздарының бір бөлігін қалдыруы мүмкін.

Бұл туралы америкалық «NBC1 телеарнасы Президент әкімшілігіне сілтеме жасап хабарлады. Ақпарға қарағанда, Вашингтон Сирияның оңтүстігіндегі Иорданиямен шекараға жақын жердегі Ат-Танф базасын сақтап қалмақ. Сарапшылардың пайымынша, база аймақтағы Иранның ықпалын шектеу үшін қажет. Осы мәселеге қатысты президенттің ұлттық қауіпсіздік жөніндегі кеңесшісі Израиль және Иорданиямен келіссөз жүргізуі ықтимал. Еске сала кетейік, өткен айда президент Дональд Трамп АҚШ Сирияда «Ирак және левант лаңкестік ұйымын» жеңді деп, шам елінен америкалық әскерді толығымен шығаратынын мәлімдеген болатын.

24.kz