Ақордада Тоқаев пен Корея Президенті кездесті

Ақордада ҚР Президенті Қасым-Жомарт Тоқаев елімізге мемлекеттік сапармен келген Корея Республикасының Президенті Мун Чжэ Инмен екіжақты кездесу өткізіп жатыр.

Алдымен екі елдің Президенттері бір-біріне делегация мүшелерін таныстырды. Осыдан кейін екі елдің әнұрандары ойналды. Қазіргі уақытта Мемлекет басшылары екіжақты келіссөз өткізіп жатыр. Айта кетейік, Корея Президенті сапар аясында Қазақстанның Тұңғыш Президенті — Елбасы Нұрсұлтан Назарбаевпен екіжақты кездесу өткізіп, Қазақстан-Корей бизнес-форумына қатыспақ. Нұр-Сұлтанға Корея Президентінің жұбайы келген. Ол бүгін «Назарбаев» Университетіне барады.